曾志偉（右）前晚主持嘅遊戲節目《鐵甲無敵獎門人》，無綫接獲兩名觀眾意見反映，話遊戲項目浪費食物，以及藝員身體接觸太多，怕青少年會模仿。不過，前日嗰集《獎門人》平均收視勁升到34點，有213萬觀眾捧場，至於前獎門人林曉峰幫亞視主持、同《獎門人》打對台嘅《飲食天王頒獎典禮》平均收視只有7點，即係有44萬觀眾欣賞。