日聯列強齊反底，周中仲追唔追？
米堡億萬球星艾方素仲未開齋
德甲強隊鬥衰度過黑色周末
歐聯考眼光，可玩吓冠軍賠率
卡城鬥西布朗，馬會竟唔開讓球盤
最新動態
欣賞隊際運動，除咗鍾情同敬佩一啲鬥志超強、能扭轉局勢嘅運動員好似NBA嘅AI（艾華遜）同足球嘅碧咸、謝拉特外，年年唔同嘅劇情，得來不易嘅錦標，往住可以從另一角度欣賞球賽。
睇過阿仙奴上周末比賽，從賭博嘅術語，叫做反底；但從欣賞角度睇，隊波喺大風雨中踢少一人仍可逆境自強反敗為勝，戰情曲折離奇。事實上，漫長球季，必遇到高低潮，好似跑馬打吡大賽，每隻出賽馬都想贏，但練馬師未必可以將隻馬嘅高峯期拿捏得最準；曼聯低谷喺季初、利物浦喺季中，阿仙奴最慘，因太嫩出現喺季尾。冠軍只得一個，友人話齋，最重要見到佢哋終可重拾鬥志，成敗得失唔好睇得太重。
冇錯！兩支我喺英超最欣賞嘅強隊，一周內要3鬥，自相殘殺，失敗一方今季注定4大皆空，但那管結果如何，最重要係踢得精采，享受過程！BigFour齊闖歐聯8強，球迷們，呢兩晚好好珍惜機會咯！
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/