林嘉欣(左)同台灣女歌手王心凌(右)前晚到文化中心出席由佢哋主演嘅電影《花吃了那女孩》首映禮,導演陳宏一都有出席。喺首映上,王心凌用半鹹淡廣東話講:「你哋好,我係王心凌,你哋食咗飯未?我食咗啦。」佢哋喺戲中扮演女同性戀者,嘉欣話拍咗六、七日戲,已經同王心凌交流得好好,希望觀眾會鍾意今次呢套新戲。