我恨喺大球場比賽已經恨咗好多年，對於我們欖球員來說，入到大球場打國際七人賽比任何大賽更重要，甚至比參加亞運更重要；因為入到大球場打就是一種榮譽。
大球場走極走唔完
置身大球場嘅感覺，原來同想像唔同，感覺場大好多，好似走極都走唔完；而觀眾嘅叫喊聲好嘈，在場內嘈到根本聽唔到隊友叫緊乜；而我嘅位置主要是連繫前鋒，類似足球嘅施丹，負責傳波及做空位給隊友，以及指揮隊友如何跑，所以要成日叫喊，但都被觀眾聲蓋晒。
相信香港觀眾會對我留下印象（共打了兩場比賽），因為我個Nana頭（其偶像新西蘭的KarlTeNana）應該幾搶，我呢嗰髮型由05年泰國賽之後一直保持到現在。未來，我期望年中嘅世界盃七人賽外圍賽中，我又可以正選上陣，繼續為港隊效力。
范信基，23歲，6歲開始打欖球，現職欖球衫設計，曾代表香港參加06多哈亞運會，今年第1次入選香港站代表