上個禮拜五內地股市以中央將推出救市措施的藉口反彈，帶動H股也急升，但一直都似乎「只聞樓梯響」。
總理溫家寶在老撾訪問時被傳媒問到中港股市，他拒絕評論港股，但就指出，在油價高企嘅時候，國家有很多問題要解決，當國家經濟穩定發展時，內地股市亦會穩定發展，言下之意非常清晰，即國家當務之急係處理通脹問題，而唔係救市。
花旗股市下跌，可能會略為影響今日港股嘅開市表現，但係「六行三保」啱啱炒上，技術同埋成交都幾好，應該仲會炒上去，中行（3988）個勢幾靚，可以諗吓啲C輪。
中行C輪9685：中行上周五收3.4元，大成交破旗，睇嚟可以試吓3.8元，可以諗吓隻C輪9685，隻輪現價41仙，槓桿率8.2倍（有效4.7倍），正股升上3.8元，9685可見67仙，正股跌穿3.25元，隻輪沽出止蝕。