美國化妝品牌Benefit成立超過30載，以乳頭嫩紅產品起家，其產品以可愛的包裝和得意的名稱走紅全世界，深得妹仔歡心。其實品牌的鬼馬主意都要多得幕後創辦人孖妹Jean同Jane的盞鬼性格。今回兩位首次訪港，巡視業務之餘介紹王牌產品Benetint個細妹Posietint畀大家認識，仲示範點樣兩支孖住上一齊用，做個夏日加州女郎！
記者：陳諾堯
攝影：伍慶泉
成功靠食腦
Benefit創辦人孖妹Jean&Jane談到對香港女生的睇法，她們異口同聲大讚港女肌膚幼滑、毛孔細緻，而眼睛顏色更是外國人夢寐以求的榛子色！咁有咩缺點呢？「TheBrows！我哋認為香港女士們唯一要改善的地方就是眉形不夠分明，因為眉形要修得突出和整齊，才能帶出整個面部輪廓。」兩位孖妹談笑風生，仲好鬼Funny，訪問期間細妹Jean仲大爆要家姐阿Jane扮佢去個女學校的家長日，竟然瞞天過海又畀佢哋過骨，兩位有腦之人果然有計。她們認為成功之道是：「人一定要好叻好聰明先可以Funny，我哋品牌的搞笑概念相信是沒有人能學到的。」
想要一支100%啱自己嘅唇膏，就要買支比口腔內膚色深一度的唇膏。
將所有Cleansing用品放於廚房洗手盆，提醒自己每日都要徹底落妝和護膚。
Benefit王牌入門
1976年Benefit於三藩市開設首間美容店，孖妹主腦人將自己的鬼馬主意充份運用於品牌之上，得到當時不少女士們的垂青。要講Benefit的威水史當然要數到由舞蹈員啓發研製的乳頭嫩紅產品，至今改良版的benetint亦深受各界名人歡迎並推介，更加為Benefit奠定了美容界的地位，現時Benefit於世界各地超過25個國家，擁有多達1,000個美容專櫃，未來更決意繼續落重注發展亞洲市場。以下推介Benefit王牌產品，你點可以唔知？
benetint$290
獲獎無數的benetint其實是由NippleBrush演變出來，有快速美化效果，搽面當胭脂或搽嘴當唇彩用都得。Hollywood紅星包括色慾都市的SarahJessicaParker和NicoleKidman都是它的擁戴者，認真威威！
因為每朝起身返學都好趕，所以我每日都用benetint，只要全面掃幾下就搞掂，顏色仲可以Keep好耐。
oohlalift$200
有即時提升眼部的功效，只要搽少少於眼底作Highlight，雙眼立刻精神晒！
喺美國讀書時已經開始用，返到香港仲介紹埋畀朋友。𠵱家唔使戴大眼仔Con都覺得對眼大咗精神咗！
dr.feelgood$270
可當Make-upBase用的妝前透明修飾霜，能同時減少幼紋及收細毛孔。
用咗dr.feelgood約一年，感覺真係FeelGood，可令化妝後膚色更自然均勻。
學做CaliforniaGal
Benefit今夏以加州女郎做主題，顏色主要以古銅和粉紅色為主，配襯全新產品posietint作胭脂和唇彩顏色，Easy簡單！
笑呀喂！
Ofelia話想做加州女郎，秘訣係：「最緊要笑！」佢仲推介夏天去沙灘記緊帶埋"talktothetan"兼化妝前用'thatgal'打底霜，前者令肌膚曬得更自然；後者則可保護肌膚。
查詢：Benefit（21103950）