上周五上海A股回升，市場仍然是傳聞多多，始終未見救市措施真正出台，不過官員口風似乎已經有變。人民銀行副行長易綱表示，了解到人行目前所保持的緊縮貨幣政策，可能需要在力度和時間上作出調校，以適應全球經濟的變化。市場解讀此乃暗示人行準備放寬現時緊縮的貨幣政策。
人民幣升值料加快
易綱稱，打擊通脹仍然是人行的首要工作，而由外來因素引發的通脹壓力，可能難以透過貨幣政策控制。解決國內貨幣供應過剩的另一途徑，是加快人民幣升值，以減少資金流入。從近期人民幣升值加快可見，中央正以全方位政策解決通脹。
當人民幣持續升值，人民幣資產包括股、樓亦將遲早起動，因為對外資而言人民幣資產仍然相當吸引。要買A股，外資的QFII額度仍然有限，不過亦有另類途徑，就是買入香港掛牌的A50中國基金（2823），睇好A股見底回升的話，買A50中國基金比起買H股可能更加着數。
A50中國基金目前5大持股分別是中信證券、招商銀行（3968）、民生銀行、萬科及大唐發電（991），當中僅招行及大唐有H股掛牌，隨着過去數月內地A股大幅調整，不少A股的估值已不如早前般脫離現實，現在入場賭A股展開大反彈，買A50中國基金會係唔錯嘅選擇。
一度引起新股認購熱潮的中鐵建（1186）今日將加入成為大摩指數成份股，此股雖然在掛牌後表現未如投資者原先預期，但股價總算能夠守於招股價10.70元之上，而潛水跌穿招股價嘅日子僅出現過1日，當日收市低見10.66元，唔算穿底好多。
中鐵建有炒上誘因
香港上市國內基建股包括中交建（1800）及中鐵（390），早兩星期曾出現大洗倉，惟股價急挫後，近兩周大幅反彈達兩成，相對之下中鐵建僅橫行，在水漲船高效應下，中鐵建遲早炒番起。另一炒上誘因，係中交建下周公佈業績，相關股份若起動，中鐵建可能會有資金偷步炒上。