有無見過全身名牌，但冇樣配得啱的人在街招搖？見到的𤷪𤺧程度，比起見有人攝衫入牛仔褲襯白襪有過之而無不及。錯，不在你有錢；怒，在於唔識襯其實可以問。其實香港幾大名店都有PersonalShopping服務，由購後送貨到幫你襯衫、甚至幫你訂枱食飯，絕對係皇帝式服務。你唔使識襯，識找數就得！
攝影：伍慶泉
http://appleblogpaper.blogspot.com
aboutme:
空姐瑪莉
職業：使錢。唔靚唔愛，唔型唔要。細個見工最大的恐懼係填長處一欄，因為冇。人大了才發覺自己長處係夠八，甚麼東東都可以問一餐。越問得多，越知得多，使錢就越多。
專業Sales跟到足
身邊一個個舊同學結婚，深刻體會有二：一，唔認年紀大都唔得；二，每餐飲宴好似播帶，眯埋眼都識背，好鬼悶。今次終於有驚喜，從來不擅打扮的Sandy，今晚突然成為眾同學焦點。一條BALENCIAGA黑色晚裝裙，加上配飾襯得恰如其份，再加埋煥然一新的妝容，高貴又大方，驚艷全場。
即刻打聽經手人是誰？原來由頭到腳都由名店JOYCE一手包辦。名店服務好係理所當然，卻原來連妝都可以化埋。其實PersonalShopping服務於歐洲已經盛行多年，香港幾間龍頭大店都有提供。好似JOYCE、HarveyNichols、LaneCrawford同Seibu，服務範疇大到你唔信：有Stylist、Consultant駐守，教你襯衫，HN同LC要先預約，而Seibu就以Corner形式隨時候教。
JOYCE的助理店舖經理Stella話：「每朝開舖前都要同員工Briefing，玩遊戲Test佢哋嘅MixandMatch技巧同品牌知識。競爭大，客人要求越嚟越高，我哋盡量做到有求必應。好多時幫佢哋襯好晒一套套，佢哋就會跟住着。」
一條龍全包宴
名店有顧問好多人都知，但服務有幾周到？Sandy：「我之前講好話係出席宴會，希望安排埋化妝。佢問晒我大約嘅要求，就真係留咗間房幫我搞，有埋飲品小食招待，全部唔使錢！」其實４間店一向都有私人試身室，但近年人客要求更高，JOYCE重新裝修後加設兩間大房令環境更豪華。LC於ifc更加設白金VIP室，從未曝光之餘，更有秘密通道進出。至於JOYCE更誇張到有紅白酒、香檳、參茶等供應。好多大客時間寶貴，名店更會做埋買外賣服務。Seibu顧問Julia：「好多行政人員都會午飯時間落嚟邊買邊食，有時急趕到連畀錢都等唔切，我哋惟有Fax張單去佢公司攞簽名同approvalcode。好多唔俾老公知趁湊仔買衫嘅闊太，都會叫埋我哋送貨。」而除LC有限制會員外，其餘3間名店即使買一件貨品，都提供送貨服務。
五花八門奇招盡出
其實4間大店仲有好多獨門奇招，好似JOYCE，可以送衫上人客屋企畀你揀，更可提供裁縫隨隊即時修改，所以有些客人幫襯了十幾年，但從未露面。而Seibu的Julia會每年過歐洲兩次，幫人客搵特色貨，例如香港無返的貨款及絕版貨。至於LC，有CoatRoom幫客人掛褸、電話叉電及訂枱食飯等服務，連秘書都做埋。HN則會幫置地文華酒店人客上門打扮，帶衫到房間給他們選購，更可以有化妝師隨行。要享受名店購物的樂趣，PersonalShopping實在令你感受到皇帝式購物樂趣。以上大部份服務都無最低消費，亦不設條件，只不過如此服務，真係唔係人人夠膽要求呢。
查詢：
Joyce（28101120）
Seibu（29713863）
LaneCrawford（21187777）
HarveyNichols（36953288）
最新回應
Jessie：行街買嘢，十五十六時都鍾意問吓Sales意見，買邊件好。但真係好少勞動到啲Consultant，好似好大陣仗，唔買唔好意思。
Dorise：我上次去飲買衫，都試過搵佢哋幫手襯衫，佢哋揀嘅款會同自己揀開嘅好唔同。去得呢啲地方買嘢都係想服務好啲啫，唔使錢，怕咩用喎！
相關超連結
詳細解釋關於PersonalShopping的服務，擔當PersonalShopper的資格，更有紐約最佳PersonalShopper的介紹。當中連結不少ImageConsultant訓練的課程都十分有用。
http://fashion.about.com/od/personalshoppingservices/Personal_Shopping_Services.htm
