港股上周連升4日之後，已順利突破23000關口，恒指現企於23285，突破20日線，料向50日線推進。如果今日市況無大礙，港股首季可守在23000水平季結，雖與年初相比跌去數千點，但在跌浪中能力保2萬點不失，縱不是最好，都唔算係最差。
短炒目標1.60元
4月份港股走勢如何？以目前可知的客觀情勢判斷，應不脫上落市格局，港股2萬點支持力雖不俗，惟後市縱能持續反彈，如不能回補今年1月中25824的下跌裂口，大市難言轉勢。
人民幣升唔停，近日唔少港人搶兌人民幣，有口痕友話，人民幣升得咁急，可能是內地將擴闊人民幣滙價波幅之先兆。相信手持大量現金的國企肯定着數，當中慶鈴汽車（1122）截至07年6月底，持有人民幣現金高達33.59億元，人民幣持續升值，伸算每股約值1.47港元，每股所持現金已高過股價。即使唔計呢個因素，公司與主要股東日本五十鈴的合作協同效益漸反映，慶鈴去年下半年已出口零部件至北美。五十鈴當年入股都要1.92元，現價1.25元偏低，不妨買入，短炒目標1.60元。