胡蓓蔚前晚在婚宴上拋花球時，一眾姊妹如容祖兒（Joey）、蔡卓妍、盧巧音、李亞男、胡定欣及陳法拉等一擁而上，獨楊千嬅因怕嫁唔出而未有參與，最後由Joey接到花球。
之後Joey到中環與一對新人夜蒲，準備離開時竟有人着她走後門，Joey即說：「呢啲高興嘢，又唔係唔見得光，做乜行後門呀？」
千嬅播情種
此外，千嬅昨日在九龍塘一中學出席嘉年華會時說：「前晚JoeyTang（鄧建明）帶埋個仔同一班小朋友夾band，我都唱咗首《月亮代表我的心》，代表豹哥（單立文）唱畀阿嫂聽，不過佢哋講明唔准玩新人，豹哥佢哋就唱番BlueJeans啲歌。」
據知由於主人家擔心千嬅與舊愛鄭中基同枱尷尬，故安排他們不同席，但千嬅說：「啲客人都冇坐低過。」提到前晚未有參與搶花球，千嬅指自己已接過多次花球，怕接得太多嫁唔出，問她何時拋花球？她笑說：「呢個世界有咁多棵樹，我𠵱家播緊種，剛剛發苗，仲一地都係。」
採訪、攝影：王連連、張俊銘、葉君海