股市跌得甘，香港散戶鍾意憑歌寄意，大陸散戶就更有創意。內地媒體《華夏時報》有篇特稿，將《天龍八部》裏面嗰四大惡人比喻A股市場裏面嘅四大惡股，前者搞到江湖腥風血雨，後者搞到「魚缸」內生靈塗炭。咁究竟A股四大惡股係邊幾隻？
中石油：太子身份掌中國原油採購大權，2000年喺紐約同香港上市，7年後，以「全亞洲最賺錢公司」之名，回歸A股。豈知喺萬眾頂禮膜拜下，中石油成為『攪肉機』，A股市場因其血流成河。──掛牌開市48.62蚊（人仔．下同）計，至上周五收報17.87銀，跌咗63%。
平保：保險派中最出色，曾因高強武功和過人智慧，被市場視作A股的優質藍籌重點培養。自迷上擴張、收購、撈底等武功，終走火入魔，成為A股暴跌罪魁禍首──上年10月高位149.28銀，上周五收報53.14銀，跌64%。
神華：手握「黑色石油」兵權，一心圖謀擴兵擴營，終在上交所上市，首日升87%，但首領向外講不滿價格，隨後三天，擁躉向神華獻出忠貞，換回的卻是請君入甕的災難──上周五收42.55蚊，距招股價36.99銀只差5.56蚊。
國壽：精於投機，在A股巧取豪奪，但並未報恩，反而落井下石，近日首席投資官劉樂飛擬似唱淡股市，又話國壽不排除再融資──3月26日公開表示要減持股票，次日A股重挫近200點。
四大惡人
