【本報訊】元朗、天水圍青少年是黑幫招攬生力軍首選地，因為區內的家庭及青少年問題嚴重，其中三名曾與黑幫為伍的青少年曾經泥足深陷，他們當中兩人並因犯事飽嚐鐵窗滋味及被判感化，幸好三人均回頭是岸，及時脫離黑社會重新做人。
去年7月家住天水圍、年僅12歲的小六畢業生「華仔」（化名）就因夥同黑幫友人恐嚇同學被警方拘捕，最後因刑事恐嚇罪成判入男童院，上月出獄的他後悔莫及。個子不高的華仔、現時急謀重返校園讀中一，展開新生活。
「攞鐵通多過揸筆」
他自言當日因為：「睇個同學唔順眼，搵班friend去兇佢。」他口中的「朋友」包括一名黑幫成員的街童友人，他憶述當時找了別人壯膽，便膽粗粗恐嚇對方：「塞你個頭落屎坑啊」乘機屈錢，豈料對方暗中報警將他拘捕，換來九個月牢獄生涯。
電影中的黑幫義氣先行、吸引不少無知青少年入會，幸亦洞悉黑幫的兒戲而退出的人。孔武有力的力王（化名）中二時加入黑幫，憑着好勇鬥狠：「自己好快有10幾條𡃁，成日打交、講數，攞鐵通多過揸筆，以為自己好威。」
三年前力王在學校內自稱黑幫打傷同學，被警方拘捕判了18個月感化令，這次經歷令他大徹大悟「醒覺黑社會唔能夠威一世」。今年18歲的他決定退出江湖報讀中六，重過新生活。
16歲的阿希（化名）四年前是個矮小「F.1仔」，因被壞同學踢入會加入黑幫：「交咗3個6（即3元6角）就話入會，好兒戲，但就輪到我蝦蝦霸霸。」他說：「嗰時太細個，大佬有事吹雞唔預我。」兩年後長高了才初嚐開片滋味：「每邊20幾人，有人攞埋老牛（即牛肉刀），我驚斬傷人冇拎刀」。
「殺出旺角」是這個新界屋邨仔心願，之後：「大佬帶我去旺角英雄地，點知唔係吹雞打交，而係日日落D（即disco）！」更兒戲是：「有次吹雞搵大佬，佢竟然話唔得閒嚟。」黑幫夢從此夢醒，他求助社工重讀中三，成功轉型變身好學生，去年考獲第一名，總算踏出重生第一步。