日本女星相武紗季同型男速水直道合演嘅新劇《絕對彼氏》喺下個月8號首播。近日積極爭取宣傳嘅相武，前日去咗東京神宮球場為棒球賽主持開球儀式。一身棒球裝嘅佢，雖然話非常緊張，但最後佢都成功擲出好球，贏得現場觀眾嘅熱烈掌聲。緋聞多多嘅相武雖然早前被偷拍到同長瀨智也拍拖，但近日又有人目擊到佢同組合嵐嘅成員松本潤喺東京文京區一間燒肉店撐枱腳。