事先聲明，藍鑽石喺周初放兩日假，擂台貼士輸足兩日，榜首地位不保，今日都係因買得少先至可以寫長稿，做「假旺友」。周末英超，阿仙奴作客穩贏保頓，我同呢隊波無緣，明知贏硬在此都不再作重點推介，你哋收到未？
剛啱聽到「香港民主之父」解釋唔參選嘅妙語。佢話一支足球隊有人被趕出場，打少一個人，隊友會更搏。我只同意一半，因為要視乎被逐嗰個人係咩份量，同埋因乜理由被逐，好似利物浦馬斯真蘭奴咁無厘頭，出場兼損士氣，隊波唔輸有鬼！
紅軍周日場默西賽德打吡，冇咗呢個無厘頭友，未必係壞事。前晚〈拉闊足球場〉節目中，好多讀者認為紅軍會留力，或者會，但「拖肥糖」愛華頓對強隊不嬲衰黑仔，紅軍唔出全力都夠贏。今日，就改以紅軍掛帥！
主客和：利物浦勝
心得：咪畀我贏輸攤路嚇怕
近5場往績：贏輸贏輸贏
藍鑽石
忙於為與簡拿華路同日生的囡囡換片、掃風，但睇意甲，一場都不能少。