做朋友「有今生無來世」，不少兄弟兩肋插刀，為好友當「戥穿石」，被女方姊妹百般欺凌；但非人人都「心甘命抵」。
「發洩班兄弟身上」
有網友大數姊妹團玩得太過份，投訴接新娘時被灌飲未經稀釋白醋及由多包辛辣醬料調製成的飲料，弄得一名兄弟整日「火燒心胃痛」，更要新郎及兄弟們戴上胸罩對着videocam載歌載舞。
「牆鑲屍首」認為貼錢買難受：「玩到咁激，真係難為佢哋……仲要畀開門利是。」；「真人」：「畀錢都唔做，呢啲錢唔恨。」；「機械佬」卻怕遭人非議：「如果你唔玩，就俾人話低質素港男，既小家又玩唔起、唔識大體兼冇風度；不如邀仇人做兄弟！」有網友分析姊妹心態：「自己嫁唔出，見到人哋結婚咁高興，就將啲憤怒同不安發洩喺班兄弟身上！」
Net人認為無謂在人家喜事上徒添陰影，姊妹們還是手下留情吧！
http://www2.discuss.com.hk/viewthread.php?tid=6741780&extra=page%3D2&page=1