青沙公路嘅最大特點，就係收費亭設喺兩條隧道中間。不過咁就隨時玩殘啲駕駛者，因兩條自動繳費通道擺咗喺中慢線附近，使用時要特別留神。唔知係咪因我試行嗰日係星期日，沿路嘅車唔係太多，管理公司只係開咗往沙田方向嘅其中3個收費亭，不過有兩個係人手繳費，只有一個係自動繳費兼喺慢線嗰邊，搞到唔少喺尖山隧道中快線出嚟嘅車手忙腳亂，幾乎要停定喺度先可以Cut番去慢線用自動繳費通道。加上唔少駕駛者仲未習慣收費亭喺兩條隧道中間，情況都幾混亂。不過，值得一讚嘅係有關方面喺收費亭頂部，加裝咗前往唔同地區嘅路牌，方便駕駛者選定行車線。
（實試青沙四之二）
記者、攝影：丹尼斯
收費亭頂部設有指示路牌，方便駕駛者選定行車線。