四月一日係哥哥（張國榮）離世五周年嘅日子，「哥」迷一如往年會喺呢日舉行紀念活動，噚日就率先喺EMAX舉行「張國榮－星．聲傳奇」互動音樂活動，會場裏面展示咗好多珍貴圖片同資料，而且仲設立咗「紙鶴表心意」活動板，只要捐款畀兒童癌病基金，就可以掛上紙鶴同點播哥哥嘅名曲，至於山頂嘅溫莎夫人蠟像館，今日開始歡迎「哥」迷入場獻花。