方大同噚日同周國賢、謝安琪、農夫為聽晚佢嘅個唱練歌，佢話到時會即場同周國賢夾舞，務求畀觀眾驚喜。講到余安安踢爆薛凱琪同房祖名拍拖，佢話未聽過，亦都唔會過問。至於剛剛再為人父嘅周國賢慶幸媽咪幫佢解決咗奶粉缺貨嘅問題，所以細女唔使捱肚餓，不過佢呼籲各位父母生第二胎要諗清楚，因為湊得真係好辛苦。