胡杏兒昨日和周中師傅在將軍澳電視廣播城錄影《星級廚房》，杏兒在節目上煮了八道菜式，她說：「雖然師傅幫我預備嘅款式都比較簡單，不過我都未試過一口氣煮八個餸，師傅仲讚我煮得叻，唔使擔心嫁唔出喎！」杏兒還表示她最拿手是炒蛋和炒飯，問她又有否為緋聞男友黃宗澤下廚，她說：「咁又好少喎，反而佢試過煮嘢畀我食，好似意大利菜同西餐，佢話佢自己煮得叻啲嘛！不過我覺得無論男定女，識得煮嘢食嘅都有吸引力，咁最好就梗係唔使我整啦！」
跳舞扭親腳
杏兒又表示她有份參加《舞動奇跡》，她說：「我都係前排知道要參加，之後開始秘密排練，不過可能我冇乜跳舞天份，暫時都唔係好適應，我𠵱家練緊跳chacha，排練時試過扭親腳，雖然到正式比賽時會仲辛苦，不過都冇辦法，事實上呢個係好機會，我唔係希望會贏，只係想出嚟嘅效果有板有眼，如果可以成功跳完，對自己就係一個奇迹。」
採訪、攝影：何慧斯