JaniceMan昨日在太古城為「春裝．春妝．春花太古城中心」活動擔任化妝模特兒，16歲開始做兼職模特兒的JaniceMan經常要化妝示人，她說：「我自己冇學過化妝，不過我覺得一定要識，所以平時成日化妝都會偷師，大部份時間我都會自己化妝，我都覺得化得OK！」求學時期的JaniceMan不知有否化妝返學？她說：「冇，返學係唔可以化妝，就算嗰時生暗瘡用遮瑕膏遮住都唔得！」
素臉見男友
當JaniceMan被問到男朋友會喜歡她化妝前抑或化妝後，她避重就輕說：「哦！成日化妝係好傷皮膚，所以唔使開工我會唔化妝畀皮膚休息。」JaniceMan拍完《愛鬥大》之後，發覺自己很喜歡演戲，她說：「我最想同郭富城合作，佢係我欣賞嘅演員同歌手，係一個成功嘅藝人。」
採訪、攝影：魯萍