香港電影節自從經過大力宣傳後，人氣唔同晒，以往坐到7成已算意料之外，近兩年開鑼前已經有唔少電影爆場，小弟愛玩即興，所以至今試過兩次臨門先知戲飛售罄，確實異常掃興！
過往電影節畀人曲高和寡孤高自賞嘅感覺，但呢兩年多咗稀客入場後，影迷大彈唔少友仔只係湊熱鬧，當係新年行年宵，仲偶爾會破壞影院氣氛。
但凡事有兩面，電影節收入上升，先可帶多啲唔同類型電影畀觀眾，好唔好有時難以界定；好，今次揀星期日場華倫西恩斯，主場撼里昂不敗！
讓球主客和：華倫西恩斯勝[+1]
心得：法甲華倫勁過西甲華倫
近5場往績：輸贏輸輸贏
阿呢斯奧
麻甩瘋漢，堅持踎低可以噴米粉；深信唔賭唔知時辰到，唔睇唔知邊隊好。