8號幹線通車冇耐，八卦嘅我就梗係已經即刻同幾個車友Friend一齊去試新路啦！不過亦因為咁，發覺呢條新路有一定嘅問題。所以由今日開始一連四日，我會提提大家行青沙公路要注意嘅地方，免得中招。
而今日要講嘅，就係由貨櫃碼頭南路上嘅一段。如果你係由貨櫃碼頭南路附近前往青沙公路，若取道呈祥道的話，就要喺盈暉臺對開一段表演由最右線Cut到去最左線，即使有關方面喺規劃路段時，已經預留咗一定長度嘅路段供駕駛人士作切線之用，但如果喺繁忙時間又或者你所揸嘅係重型車輛的話，要Cut入通往青沙公路嘅支路都唔係一件易事。行遠啲用昂船洲附近嘅入口會好啲，事關一上就係，唔使左Cut右Cut！（實試青沙四之一）
記者、攝影：丹尼斯