和牛一向貴價，最平的鹿兒島、中等的佐賀，一件A4級標準250克西冷，至少五、六百元；但最近有剛入口到港的宮崎「綾」和牛，同級賣價竟然要$820一件，貴三成有多，到底有幾巴閉？
前天獨家發售的店舖，由日本請來綾牛推廣大使，讓「㗎仔」親自「解牛」搞試食會。㗎仔（圖左）先聲奪人，特意以較下價的牛𦟌、牛腩、牛腿肉做sashimi開show，盡「晒」綾牛的刺身級肉質。現場來「睇貨」的正壽司、敍福樓集團老闆、總廚（中）都大叫意想不到，「沒想過牛𦟌、牛腩部份都可以做刺身，肉軟滑，油花極香甜！」和民創辦人兼正壽司老闆DerekLiu（右）更加形容為：「肉味比其他和牛香濃，入口那種肉香油香，在口腔迴轉，真的不忍吞下肚！」記者試過，完全同意，至吃到西冷部份，各人完全投降，開show前帶來的挑戰心態，都變為靜心欣賞細嚼。
據大使介紹，綾這個地方山明水秀，牛吃的是有機飼料，生活保證無壓力。綾牛去年剛得到日本五年一度的全國大皇杯冠軍，打敗全國包括神戶、松阪、佐賀、宮崎各地嚴選最優秀200頭牛成為「大皇」，以肉味濃而油花平均細緻取勝。
大皇級，價錢當然要貴一點！我都要豪一次，做一次大皇啊！
西冷、肉眼、牛柳
A4：$328/100克
A5：$358/100克
牛𦟌、牛腩、腿肉
$68/100克
牛肩扒、shortrib
$188/100克
查詢：一番食材（28918966）
ChillClub（27161333）