過去一年，世界上發生咗好多唔公平嘅事，當中好多涉及人權問題，好似緬甸僧侶示威、香港紮鐵工人罷工等，好多記者不辭勞苦，深入報道揭發當中問題。
為咗表揚呢班出色記者，香港記協聯同香港外國記者會及國際特赦組織香港分會，舉行人權新聞獎，結果《國際先驅論壇報》（InternationalHeraldTribune）成為大贏家，勇奪8個獎項，《南華早報》（SouthChinaMorningPost）同《南華早報雜誌》（PostMagazine）就輸個馬鼻，總共攞到7個獎。
記協主席范皓齊話，今次有193份參選作品，較上年330份少，范大姐解釋上年報名期長20個月，所以按比例計，今年收到參選作品都唔算少。八方恭喜獲獎行家，希望大家繼續努力，唔止攞獎，仲要繼續爭取人權。