上周重心場次貼中諾域治在救命戰中大捷，還貼中兩場BigFour戰開大3串4全過關，信心持續回升，今次英冠重心捧西布朗贏等降班嘅高車士打，配腳取水晶宮及史篤城贏波，3隊繼續在升班戰打滾。
爭直升超聯攞硬3分
小弟賭英冠除偏愛史篤城外，另一為西布朗，後者在上周五直播大戰作客查爾頓，在稍被看淡下仍不落下風，全場踢出較主隊更有組織力足球，雙方卒以1:1打和；其中射入靚波嘅菲臘斯毋負英冠足球先生威名，這位老將喺足夠休息下，今天無論拍冇踢國際賽嘅英U21箭頭伊斯美米拿或上屆效力赫斯嘅貝特拿，面對排包尾嘅高車士打，勢將予取予攜。大家要留意，筆者近期針對幾定降班的斯肯索普及高車士打，每每得心應手。
拖埋水晶宮史篤城
雖然西布朗下周中還要踢補賽作客卡廸夫城，但前者目前比榜首史篤城踢少兩場少5分排第5，刻下必心雄爭直升機會，今場贏波賠率略嫌乏味，但勝在夠穩，宜分兩注出擊。
另外兩支勝望甚高球隊分別為佔主場之利的水晶宮，迎戰中游的黑池及作客錫周三的「1哥」史篤城。先談水晶宮，現排第8位，但戰意極濃，剛借得英超3將包括車路士新星史葛冼佳亞添鋒力，情況如上次諾域治剛借得歷達斯，對手黑池上仗爆冷和史篤城，今次無咁好彩；至於上周貼愛隊史篤城時未理會有3主將停賽及賠率偏高照放上貼士榜，結果中伏，累貼士未能全中，今次作客護級心切嘅錫周三，莊家開平手盤史篤城派高水，我拗頸也要追多一次剛借得紐記箭頭艾美奧比的史篤城。
博大霧，捧護級的高雲地利與爭升班嘅普利茅夫鬥攻開「大」，配荷甲「大」戰海倫芬迎阿積士。
近5場往績：贏輸輸贏輸
蘋果波神
英超波癡有一個心願，5月話你知！