前晚中港台三地名模同場，穿長晚裝的林嘉綺飛釘到賀，與另一台灣名模、大露背的林志玲相輝映。台上行騷的則有裴蓓、杜鵑，以及壓軸的熊黛林，未知是否同場名模全都專業真空上陣，在香港堅持兩點不露及打底戴bra的熊黛林，也罕有地豁出去真空行騷。
行到腳震
熊黛林事後說：「因為Ferragamo係大騷，我都要專業啲。」是否在香港就不需要專業？她尷尬地說：「唔係，因為今次係80周年。」莫非酬勞特高？她說：「唔係，為咗增值，喺呢個活動行騷係一個榮耀。本來有一件衫着起會露點，我都冇出聲，係大會後來換咗第二條畀我。」她隨即扯開話題說：「其實我喺後台都好辛苦，因為條黑裙好窄，高踭鞋又成五吋高，喺後台等嘅半小時唔可以坐低，行嘅天橋又好長，行完都腳震。」
