禮拜日轉番夏令時間，睇波唔使到天光
日聯強隊周日反底未？
今屆歐國盃，兩主隊勢成列強點心
希臘始終剋住葡萄牙
波蘭比利時主場大敗，證足球水準處低谷
最新動態
現今球壇話事人上位容易下台快，但要做到好似費Sir咁出神入化，難有幾人；紅軍要喺賓帥領導下取得自1990年以來首個聯賽冠軍，從馬斯真蘭奴事件，可以看到道行未夠。
經過上周兩輪大戰，失意嘅利記同阿仙奴將要在一周內3次碰頭，唉！有點自相殘殺嘅味道，每逢輸波，傳媒最喜炒作隊內不利消息；這一刻，對賓帥份外頭痛。
歐聯作客對阿仙奴前，後天先對宿敵愛華頓，賓帥卻忙於維護仍不知錯嘅馬斯真蘭奴，又要求會見球證阿頭，研究吓判官執法水平；結果後者卻被足總秋後算賬，若不上訴即加監至停賽3場。對歇冬期已有施素高轉投祖記嘅利記防中實力，打擊甚大。
袒護愛將為球隊利益據理力爭，並沒做錯，但可效法老江湖費爵爺，口舌之爭用於賽前；如在對保頓前，要球證留意對手最有威脅嘅奇雲戴維斯係英超茅躉王，結果後者未知是否受心理影響，全場無甚佳作。馬後炮於事無補，賓帥呢鋪捉蟲咯！
文：蘋果波神
英超波癡有一個心願，5月話你知！
http://hk.myblog.yahoo.com/appleballmen/