張敬軒前晚在觀塘為他將於下月初在紅館舉行的處男個唱綵排，軒仔契姐胡蓓蔚今日下嫁單立文，他透露自己日前與胡的父母正式上契，軒仔說：「我同契姐冇正式上契，佢爸爸媽媽嚟咗香港，我咪叫佢哋契爺契媽囉，食飯時仲斟酒佢哋飲，點知佢哋好認真，走去打咗個金飯碗同金筷子畀我，算係上契儀式啦，我咁大個仔都未收過呢啲禮物。」
Twins做兄弟
談到胡蓓蔚的婚禮，軒仔表示：「我負責做迎賓同埋姊妹，因為我係女家嗰邊，陳奕迅同Twins會做兄弟，阿Sa會去，但阿嬌就唔知，好多藝人都話未必嚟到，但送咗好多禮物，到時我全日陪住契姐。」
至於其處男個唱，軒仔透露他花了四萬多元打造兩支特別的咪高峯，他又說：「跟咗我好多年嘅一座紅色琴，即係我老婆都會出場，公司仲買咗個新嘅controlpanel，係兩架法拉利嘅價錢，大概三百幾萬。」
採訪、攝影：王連連