無奇不有嘅大陸手機商，每隔一排就會出現令人震驚嘅大動作，經典如雙卡雙待、電視功能就係最好例子。當你以為佢已經山窮水盡之際，點知今日又有新「突破」，剛剛推出嘅ZT3830，講到明要打倒iPhone咁話！
大家咪誤會，其實呢部國貨並非內置16GB咁巴閉，之不過，當拆開電池再睇入面嗰陣，就發現佢準備咗兩條T-Flash卡槽。店員試過仲話，連8GB卡都用到，咁理論上兩邊加埋就有16GB容量，同最新嗰款iPhone有乜分別？要咁多做乜呢，大部份人或會諗：「聽歌、睇片梗係越多越好啦！」但呢部國貨竟內置埋打機模擬器，連老任遊戲亦唔放過，呢樣就唔值得鼓吹喇！見市面記憶卡售價不斷插水，玩唔起$4,000一部iPhone的話，貪平搵佢嚟做替代品都諗得過㗎！
囍（23915552）