正所謂「行運一條龍，衰開一條蟲」，基達菲2、3月期間係威係勢，不過上仗終於輸畀畢爾包，連同盃賽12場不敗終於斷纜，周日主場對搶分護級的奧沙辛拿，實在讓唔起，讓球主客和的「客勝」早捧為妙。
基達菲呢支兄弟班，之前打出超水準，贏皇家馬德里同賓菲加呢啲歐洲一線球隊，除咗教練米高勞特立領軍有方，兄弟兵打出士氣先係極大原因，不過連拚咁多場，好似列捷特、卡斯基路呢啲主力場場打足咁滯，真係鐵人都死。而且下周中，基達菲更要作客拜仁慕尼黑，打歐協8強首回合大戰㖭！
無疑奧沙辛拿呢排都唔抵幫，上仗主場輸俾貝廸斯，今仗更有中場查維加西亞同後衞荷西素停賽；可幸球隊作客唔錯，連續兩仗迫和維拉利爾同華拉度列，考慮基達菲有歐洲賽後顧，「客勝」早捧。文：牽牛
西甲
讓球主客和:星期日40奧沙辛拿勝[+1]（1.7）