由三池崇史執導嘅真人版電影《小雙俠》噚日舉行記者會，男女主角櫻井翔同福田沙紀都有出席，但就唔及扮演性感女奸角嘅深田恭子搶鏡。染咗一頭金髮嘅恭子話，因為套戲服太少布，最初有啲唔習慣，但之後覺得越着越舒服。齣戲已經喺兩星期前秘密開鏡，預定下年春天上映，到時會同備受注目嘅真人版《龍珠》對撼。