我，仲有面目見讀者……皆因蘋果波神一句說話，貼得波就要有承擔！試過連中6期、試過5連勝等已被讀者遺忘，唔緊要，畢傑未氣餒，必須為連輸4口嘅〈早飛王〉討回公道。星期日機會嚟喇，熱刺主場贏硬紐卡素。畢傑
好多人都覺得，熱刺捧走咗今屆聯賽盃冠軍，變相攞咗下季歐協盃資格，𠵱家喺聯賽無欲無求，冇咗爭勝心。我嘅睇法剛啱相反，因為睇開西甲都知，熱刺領隊拉莫斯教西維爾嗰陣真係場場去盡，大家可以睇到佢哋早前迫和車路士4:4、以及上場尾段都博到盡去贏樸茨茅夫（2:0），就知一早攞咗歐協盃資格唔代表啲咩，至緊要班波落場有heart。
嚟緊周日熱刺連續3場喺白鹿徑主場出戰有優勢外，其餘考慮嘅係周中國際賽期問題。
隊波有戰意羅比堅尼有力
熱刺陣中幾位常規正選如贊拿斯、艾朗連儂、京治、馬白蘭基、侯度史東及戴臣等都冇份入選國家隊打友賽；至於貝碧托夫雖被徵召對芬蘭，但愛爾蘭喺周三未有約戰友賽對手，故羅比堅尼有休息時間。何況前線仲有戴倫賓特，呢位黑人射手話明唔介意打後備，上場對樸茅又有波入，就知班波有體力、具戰意，今次主W唔難開。
紐卡素上周終於反底淨勝富咸2:0，為基瑾上任後第1場勝仗，但大家要留意對手只係尾二嘅富咸咋喎，紐記有幾威呢？再睇軍情，門將基雲、占士米拿、安利、卡卡巴同卡爾繼續養傷，前面奧雲又要打周中作客法國場友賽，咁嘅陣容對下游隊都未掂，試問點頂熱刺嘅攻力？
往績上，近季紐卡素專尅熱刺，近5次交手4贏1輸（4大1細），包括首循環主場贏3:1。不過，當時熱刺仍然係由前帥祖爾領軍，隊中問題多過乜，又點能夠同現時拉莫斯麾下嘅一隊比較。
早飛王貼士
星期日31 熱刺vs紐卡素
首選：熱刺勝（1.55）
次選：熱刺大（1.62）
冷選：熱刺勝4:1（21）
《周末早飛超級重心》
伯明翰搶分攻「城」
星期六8
伯明翰vs曼城1:0（6倍）
伯明翰尚處於護級邊緣，除麥法頓續因傷缺陣外，其餘主力如科素及麥舒菲爾俱能上陣，勝望較對手濃。曼城上仗有馬田柏杜夫停賽復出亦僅和保頓0:0，而這名保加利亞翼鋒周中又要代表國家隊對芬蘭，體力削弱，何況夏文要坐波監。
樸茅主場連「根」拔
星期六11
樸茨茅夫vs韋根2:1（7.5倍）
樸茨茅夫今周續有蒙達利及柏巴廸奧普停賽，可幸上仗對熱刺未准落場的廸科爾可復任正選，有力射破客軍大門。韋根離開JJB爛地主場威力盡失，上場多打布力般一人下亦輸1:3；今周古馬斯續停賽，但柏拉西奧斯刑滿復出。
紅魔盛勢「維」攻格
星期六43
曼聯vs阿士東維拉2:0（6.5倍）
紅魔證實有加利尼維利因傷提早收「咧」，而葡萄牙孖寶基斯坦奴朗拿度及拿尼，未有入選國家隊出戰希臘，料有足夠體力。阿士東維拉或有中堅美爾保復出，但宜留意近仗開始走下坡，上仗主場亦0:1不敵新特蘭。