詹瑞文噚日去到新城財經台接受訪問，佢話劇團已經冇再受政府資助，所以嚟緊所有演出都要自負盈虧，而劇團會改名為PIP文化產業。詹Sir話早前唐英年都有打電話畀佢表示支持佢嘅決定，佢希望今次呢個改變可以為演藝界帶來一個新發展新局面。不過詹Sir話放棄咗政府近700萬嘅資助，佢都要搵啲投資專家去投資賺錢，希望為劇團賺取經費。