GiorgioArmani推出Armani-Samsung手機，任達華、周汶錡及張智霖前晚在中環酒會上均獲贈新機。最愛儲物的任達華說：「儲衫、樓都係我嘅興趣，電話我都儲咗三、四十部，當年嘅水壺、摺龜都有。」任達華一向關注民生，對於香港近日鬧奶粉荒說：「BB好慘，冇奶粉食，香港政府都唔理啲民生，𠵱家冇貨，係啲供應商想推高價錢，𠵱家價錢升咗一倍，香港物資一向豐盛，點解會咁？政府有責任搞搞啦，政府都冇察覺到出問題，冇啲危機感，試過沙士、流感，𠵱家又到奶粉。」
上海入貨助港友
任達華指有住在上水的朋友買不到奶粉向他求助，他只好轉託身在上海的琦琦在當地買完運港應急，問到其女兒Ella可有受影響？他說：「佢都要飲，但佢大個啲，可以飲鮮奶。」至於經常在台灣工作的周汶錡，則大讚候任總統馬英九說：「唔覺得佢特別靚仔，但感覺好舒服、友善同親民。」
採訪：JessicaNgan
攝影：RickyChan