劉德華早前表示《三國之見龍卸甲》女主角MaggieQ不來港宣傳，他雖體諒，但覺得不應該，前晚該片在港首映，MaggieQ一如所料缺席。華仔透露自去年12月紅館個唱後一直放假，原本今年9月開拍的電影《鄭成功》則押後至明年才開工，皆因他已找劉偉強傾談，想先拍一部輕鬆小品式電影，以紓緩之前頻頻拍沉重電影的壓力。
劉德華和安志杰等前晚到圓方出席新片《三國之見龍卸甲》首映，女主角MaggieQ缺席，向海嵐、樂易玲、狄龍和傅穎（Theresa）等均往捧場。自完成去年12月紅館個唱後，華仔便開始放假，前晚他心情極佳，邊玩按摩椅邊接受訪問，並謂放假使他心情輕鬆，現在則要收拾心情投入工作，目前以宣傳為先，拍電影則是未來的事，他說：「我搵咗劉偉強傾部戲，想拍部輕鬆啲嘅戲，之前拍嘅戲都好沉重。」據悉華仔此片會跟舒淇合作。
安志杰打戲減磅
華仔透露原本今年9月會拍由日本片商投資、改編自漫畫的電影《鄭成功》，但該片會延遲開拍，他說：「我覺得接連拍咗幾部古裝，好沉重，等我拍番部輕鬆啲嘅戲先，所以呢齣會推遲到出年9月先開拍，呢個老闆之前投資完《墨攻》，覺得拍得好成功，於是再搵我拍呢套，我演鄭成功屬下一個僱傭兵。」談到今次在《三》片中演趙子龍，華仔謂由於從年輕演到老，沒機會演續集，他說：「除非好似《阿虎》咁，演《少年阿虎》囉，拍呢齣戲真係好辛苦，取景嗰度好多風沙，我返嚟做咗兩個月facial㗎，不過洪金寶設計啲動作好特別，唔係𠵱家啲一般嘢。」
安志杰在片中飾演趙子龍部下，他說：「最辛苦係喺30幾度天氣仲要着幾磅盔甲，又要打，係我打得最辛苦嘅一部戲。我𠵱家瘦咗17磅，其實我最肥係拍《神探》嗰陣。」
傅穎拒露點罷拍
此外，Theresa談到有傳她拍劉國昌執導的電影《無野之城》時不肯露點，故中途罷拍，她說：「拍之前Paco（黃柏高）已經同佢哋傾得好清楚，唔好話露點，佢連接吻戲都會好緊張問清楚，拍之前講清楚話唔會做，點知臨場突然提出露點要求，於是我冇再拍。」有指該片編劇雲翔謂Theresa是經理人公司的奴隸，她說：「公司冇當我係奴隸，好尊重我，好似之前我想出寫真，自己行入Paco間房同佢講，佢二話不說就畀我出，我做乜公司都好支持。」
採訪：何永寧 攝影：陳慧安
