今天幫大女收拾櫃桶，發現成堆爛絲襪，穿窿勾線又唔掉，為何？「媽，呢啲絲襪着兩嘢就勾爛咗，掉唔係唔掉又唔係，咪收埋佢先囉。」阿女慳家性格由我遺傳，但收到成屋垃圾不是慳，是浪費空間。
李家聰明慳家守則第一條──廢物利用，爛絲襪其實好有用，套在掃把頭，即成靜電吸塵拖把，又可套在屈成鳶形的衣架上，變成清潔罅位灰塵的最佳靜電吸塵器。坊間靜電吸塵拖把只適用於平面，自製絲襪掃就可以捐窿捐罅，連死角位的毛髮與灰塵都清理得到。牙膏與絲襪也是絕配，絲襪沾牙膏，在水龍頭連接牆壁位置一拖一拉，隱蔽千年的污迹一樣搞得掂。所以話，爛絲襪好有用，千萬別浪費呀。
攝影：林栢鈞