今晨場法國對英格蘭,法國射手亨利因傷冇份落場,原來呢件事有段小插曲。話說亨利喺上場對華拉度列時踢足全場,令法國足總方面認為佢可能詐傷,特別派人去巴塞檢查亨利狀況。經檢查後,證實亨利係腰部疲勞性損傷,唔為國效命都唔算過份。講真,所謂用人不疑,法國足總咁做即係信唔過人,假如我係球員就一定覺得難受。法足總班高層聽住,亨利贏過世界盃、歐國盃,因住專心為球會賣命,唔踢國家隊你哋就知死!