馮德倫前晚在金鐘為一時裝騷擔任總監，五位演出模特兒包括姚書軼（Mikki）等，開騷頭15分鐘的演出如歌劇一樣，一眾模特兒穿插其中，之後五位模特兒陪同馮德倫一同出台前致謝，不過他站在身材高䠷的模特兒身旁，頓時變成矮仔。
事後問馮德倫站在眾高妹旁可有壓力？他大方地說：「冇喎，咁佢哋高同靚係必須嘛！」至於今次擔任總監，他謂酬勞滿意。
早前馮德倫和前女友莫文蔚（Karen）一同出席上海一活動，因此傳出兩人復合，馮德倫聞言強調：「乜嘢復合？大家都有出席啫，我哋冇復合，冇咁嘅事。」
Mikki盼做闊太
馮德倫表示現在忙於為電影《跳出去》做後期工作及配普通話對白，至於電影何時在港和內地上映，馮德倫表示不知道。另外，Mikki在時裝騷中扮演闊太，她事後笑言：「我都想做，不過要努力做嘢先，畀十年時間我賺夠一億。」
採訪、攝影：胡比