賈曉晨（JJ）自幼受回教雙親影響，不吃豬肉，卻是天生「牛魔王」，韓國之旅狂吃烤牛肉，瘋狂程度嚇怕同行的同事。但論驚嚇仍不及她在曹溪寺的白燈籠下拍照，本來心情興奮的JJ，事後獲悉掛白燈籠是因有白事，即心寒得冒冷汗。
賈曉晨自跳出家鄉濟南後，一直嚮往到外地觀光，她早前到韓國首爾公幹，對當地飲食文化讚不絕口，因為每款韓式美食，都令她大快朵頤，吃得好滿足。看過韓劇《大長今》，JJ指當地的食物很注重養生之道，她說：「韓國嘅女仔個個皮膚都又白又靚，我諗同佢哋嘅水土同飲食習慣都有關係。」
「嚇到標冷汗」
JJ的家人都是虔誠的回教徒，堅守不吃豬肉的規條，所以她自幼只愛吃牛肉，到韓國當然不會放過品嚐韓式燒烤，JJ說：「我真係百吃不厭，瘋狂到餐餐都要食，搞到同行嘅同事，聽到又吃燒烤，大家都耍手又擰頭，佢哋話聞見陣味都怕怕喎！」其實吃韓國燒烤，身上的衣服很易吸入燒烤味，JJ奉勸大家最好先把厚外套脫掉放遠一點才開始吃。
首爾之行，除了特色地道美食令JJ回味無窮，她對巿內一些廟宇的建築也留下深刻印象，見到景福宮附近掛滿白燈籠的曹溪寺，JJ便到內拍照，她說：「我當時因為貪個景好靚，不過後來有人同我講，佢話因為有人舉行白事，超渡往生嘅人先掛白燈籠，平時係會換上紅燈籠，我影完相，聽埋個原因後，個心真係寒晒，諗番起好靚嘅白燈籠背後咁恐怖，我都嚇到有少少標冷汗。」
講韓語惹艷遇
問JJ在韓國旅行期間，可有乘機學講幾句韓文周圍玩？她說：「我貪得意學咗幾句。」幾句韓文就為JJ帶來連串艷遇，她說：「試過喺街頭，有啲韓國男子竟然以為我識講韓文，猛咁同我搭訕，於是我惟有耍手擰頭拒絕佢哋囉。」採訪：比華利
