有愛情滋潤的麥浚龍（Juno），近日每次出席活動都嘴角含笑，大晒「奴嬌戀」幸福，他昨晚在將軍澳錄影音樂節目時，臉上充滿陽光氣息，他自爆是被夏威夷的陽光曬得黝黑。Juno自稱是在香港過24歲生日，並指當日接到情人鍾欣桐（阿嬌）的祝賀，但暫未收到她的禮物。
近日與淫照風波女主角鍾欣桐（阿嬌）蜜運的麥浚龍，近日不停更新個人網誌，大晒「奴嬌戀」的甜蜜，特別談到在小島度過24歲生日之旅，並表示自己玩到好攰，大晒幸福。Juno昨晚收拾心情，到無綫將軍澳電視廣播城，與孫耀威、關心妍和曹格等錄影《勁歌金曲》。
「禮物未收到」
Juno昨晚穿上桃紅上衣，皮膚明顯曬得黝黑，充滿陽光氣息，心情甚靚，問他本月18日生日可是在泰國小島度過？他接受節目《東張西望》訪問時說：「我之前去咗日本同美國傾時裝品牌啲嘢，中間偷咗兩日去夏威夷。」Juno曾在blog中形容度假地方如天堂，他昨晚說：「天唔天堂視乎個人，去大嶼山都可能係天堂，要睇嗰刻心情。我生日喺香港過，仲切咗30個蛋糕。」可收到女友阿嬌的禮物？他說：「禮物未收到，但生日嗰日，佢有打電話同我講生日快樂。」
「我好易曬黑」
Juno在「天堂」度假，身邊可有天使陪伴？他否認與阿嬌同行，他說：「唔係喎，唔知點解咁傳。」Juno和阿嬌是否拍拖？他說：「你話呢，都係一樣，好好朋友，大家有通電話，最近就冇。」
看到Juno曬得皮膚黝黑，可是給愛火燒傷？他說：「唔係，我好易曬黑。」對於勤力更新網誌，並在文章中大晒幸福，引來阿嬌拍檔蔡卓妍（阿Sa）微言，Juno說：「我一向係咁寫，blog係寫畀朋友同fans睇，啲人唔明我都控制唔到，我唔會改變寫嘅方式同習慣，我係唔會傷害人，大家諗得多咗。自己冇諗過寫blog會煩到人，如果係我講句唔好意思。」
阿Sa言語間暗示Twins會拆夥，Juno說：「我只係生日接過佢（阿嬌）電話，其他嘢我唔清楚。」
採訪：楊潔雯
攝影：林德雄
網誌小八卦：潮瞓睡袋
Juno昨日又更新了網誌，透露早前訂購了可當睡袋用的戶外睡衣（圖）終於到手，於是急不及待將家變成雪房試用，他大讚說：「如在戶外休息時，不幸遇上動物襲擊，可即時起身逃跑。」未知Juno可有送一個給阿嬌呢？
JunoBlog網址
http://www.think-silly.com/juno
