消失咗一陣嘅胡琳，原來去咗紐約學跳舞增值，噚日佢到新城電台做訪問，話花咗幾萬蚊美金學跳舞，每日都跳得好辛苦，佢話：「跳到啲筋好痛，好似日日都俾人打完。我好鍾意跳舞，之前覺得自己去到個地步，冇乜進步嘅空間，所以就諗住去學嘢，仲睇咗好多百老匯音樂劇㖭。」為咗今次進修，胡琳之前想接少啲騷，諗住練定舞先，但諗起啲使費就乖乖做晒。