在香港，中六合彩難過登天；但走在街上，則隨時中頭獎。網友Sunflower分享她的驚險遭遇：「剛才行返屋企嗰時，經過一條屋邨，嗰度無簷篷，突然一個玻璃物體在我兩呎前跌下爆開，好彩我着牛仔褲，如果唔係實彈損對腳。」
另一網友「建男媽咪」也有類似經歷：「我當時抱住1歲阿B，突然有個榴槤從高空跌落，我剛剛行過，喺我背後降落，如果行遲一步，我哋兩個命都無！」
高空擲物真係「鑊鑊新鮮鑊鑊金」，「咪咪兔」憶述當時情況：「有次中午去銀行，經過一個即將拆嘅屋邨，有支針筒從天而降跌喺我面前，裏面仲有大半支血！」
以為屋企安全？意外往往就是意料之外，Shirley73a：「我屋企樓上唔知幾多樓都有人擲玻璃落嚟㗎……有時啲碎片仲彈到入我廁所隻窗邊度。」Net人提提各位高空擲物傷人是刑事罪行，大家應立即報案。
http://forum.baby-kingdom.com/viewthread.php?tid=1336523&extra=page%3D4
《蘋果》網聞請你報料！大家無論在網上網外發現任何騎呢搞笑的事情，
都歡迎提供照片或短片資料。一經採用可獲酬100元
請附姓名、電話及電郵地址，電郵到：mailto:[email protected]