梅雪詩（阿嗲）噚日約傳媒喺佐敦茶敍，以前佢同龍劍笙（阿刨）雛鳳鳴劇團演出粵劇，但自從阿刨半退休後，雛鳳鳴已經好少演出，阿嗲就另與林錦堂成立慶鳳鳴劇團，一做就15年，下月25號會喺南丫島演出神功戲。 阿嗲話每次臨演出前都肚瀉，搞到要食止屙藥。原來好多人都建議阿嗲收徒弟，但佢話：「我唔敢諗收學生，驚自己教得唔好。」