講門面、玩包裝的世界，亁炒牛河用隻雕龍刻鳳的碟上菜，我自問會略加幾分。高檔餐廳習慣裝腔作勢，對餐桌擺設亦一絲不苟。西方傳統文化講TableSetting，都係一個靚字。要作狀就無謂半桶水，亂擺一通，盞俾人話Cheap！
http://appleblogpaper.blogspot.com
aboutme:花樽
明明係英文名，但俾人譯了日文，幫日本公司打完工，多了個名叫「花樽」。至於本身英文係乜，自己諗。太愛吃、食不停、有機會周圍去，都立定有得食好食的宗旨。永遠銘記到年紀大要戒口時，就真係想吃恨遲。
10人宴要140件餐具
人靠衣裝，食靠碟裝。同樣的美食配以不同餐具，總會給人不同的感受。每每到西餐廳用膳，都喜歡留意餐桌上的擺設，幻想有日在家設宴，Set個靚陣給朋友們一個驚喜。機會到喇！妹妹即將結婚，希望我呢個家姊包辦姊妹團飯局。大陣仗！一圍10人的餐具預備，計計埋埋都唔係一個細數目。
反正已去到洗濕咗個頭的階段，但求一係唔做，一做就要跟足傳統。Formal的TableSetting12人一套，每人預備一隻DinnerPlate（主菜）、較細Size的SaladPlate（前菜）及有少少深度的SoupBowl（湯碗）。新興的TableSetting都會以Charger（淺托盤）代替PlaceMat。淨係買碗碟都起碼要40隻，每道菜要有獨立的刀叉，每人起碼三隻叉、一把刀、兩隻匙及兩隻杯，共140件餐具！好彩連卡佛只要買滿一萬蚊就可以做金卡會員，會員有八折，買滿二千更有免費送貨服務。
要數最講究TableSetting的國家，係意大利同法國，再數生產質素最好的國家，係德國。所以由意大利設計師設計、德國生產的PaolaNavoneperReichenbach，成為我首選。
融舊創新變熱潮
可以深入了解TableSetting的渠道不多。新一代的TableSetting，大部份是以陶及瓷作物料的碗碟，所見花款同設計都與時代並進，感覺新潮。
對住有中國色彩的金魚繪畫、低調有格的白瓷混銀、Modern有型的幾何圖案……我開始感到有選擇性的恐懼。立刻拉住顧問Susanna幫手，她說：「其實揀咩款式都係好個人化的選擇，能夠融舊創新嘅款式較易成為歐洲熱潮。好似巴黎AstierdeVillatte嘅最新系列，上釉時刻意營造未完成嘅Vintage效果，感覺新鮮。大趨勢的設計都會以Fun為主，Pandoradesign嘅刀叉以膠配上17世紀皇室花紋，一樣大受歡迎。」Susanna繼續說：「我好細個媽媽已經教我所有關於Table擺設嘅技巧。佢對TableSetting嘅熱愛同認真，好值得我學習。我最記得佢85歲嗰年，一手包辦Set足70人嘅飯枱，一樣落足心機。」
冇飯開當擺設？SoCheap！
我明白歐洲家庭對餐具的重視，但仍被Susanna家中餐具的數目嚇呆。「多數家庭會有兩套，淨色作平日用；花碌碌就用來招呼朋友。我特別例外，有18套（2套24人、16套12人），主要因為自己工作關係，而且有幾套係遺物。」遺物？「到你年紀越來越大，你就會越多，外婆走嘅會留一套畀你，我老公嘅外婆走，你又會多一套。」越聽就越覺得TableSetting何止靚咁簡單，難怪香港都越來越普及。聽到這裏，我希望叮囑大家一句，要學習就要認真了解。因為我問了Susanna一個好愚蠢的問題：「如果平日唔開飯，想Set個Casual少少嘅擺法，係點嘅呢？」她十萬個不明白，經我解釋香港有人會Set作佈置餐枱之用，她大叫：「It'ssocheap！歐洲冇人咁做㗎！」
查詢：LaneCrawfordPacificPlacehomestore（21183652）
金鐘太古廣場126號舖
最新回應
Midco：都會買靚餐具招呼朋友，但香港啲屋咁細，咁Formal買咁多件，廚房都冇位啦！
Demmi：香港文化興出街食飯，都唔同外國！買咁多廚具返屋企，咪又係自己辛苦。抹餐死！
相關超連結
http://www.mannersinternational.com/default.asp
餐桌禮儀係社交生活的重要一環，TableSetting只係其中一科。想了解更多，外國有不少機構有課程專門講解，亦可上網購買一些教材自修。這網站更有討論區解答一些問題。
http://www.recipetips.com/kitchen-tips/t--142/table-settings-formal-casual-or-buffet.asp
這個食譜網站亦有詳細講解TableSetting的技巧，詳細講出Formal、Casual同Buffet的分別，大家可以跟住擺設。