香港國際電影節於上周一揭幕，多個電影節活動接踵而來，由董敏莉、林苑及香港棒球隊主演的電影《無野之城》前晚在香港文化中心舉行首映，除林苑外，大部份演員都有出席，其他嘉賓還有杜汶澤、周柏豪、徐天佑與EO2成員Osman等。
董敏莉原來很欣賞運動員，她坦言很想看男運動員裸露身體，她說：「我覺得男運動員嘅身體喺燈光下會好靚，所以有日我知道班男仔要拍一場出浴戲，我留低嚟睇。」
「偷睇佢哋屁股」
不過董敏莉指正式拍攝時，導演突然要求所有人不可觀看這班棒球員出浴，但她還是偷看了，她笑說：「其實我都係偷偷咁睇到佢哋其中一個嘅屁股，唔敢望咁耐。」
此外，杜汶澤將開拍新戲，問他會否找梁洛施主演，他說：「我打過電話畀佢，但佢個電話已停止服務，所以我搵唔到佢。」問他可知道黎明結婚的傳聞？他說：「唔知道，每個人去到某個階段會做喜歡嘅事，但冇必要話你知。」
採訪、攝影：李珮洳