花旗股市喺復活節假前升番兩個巴仙有多，如果昨晚靠穩，咁樣今日港股就有運行嘞，港股喺嗰邊嘅ADR升咗唔少，今日隨時發難。
「小馬哥」贏咗台灣大選，都係眾望所歸，佢發出嘅第一炮係「三通」，兩岸交流嘅措施會越來越多，當中好多一早由連戰上次訪問大陸嘅時候已經傾掂咗，只係阿扁唔畀做，估計呢啲協議好快可以上馬，唔使再傾。
橫睇豎睇，小馬哥做總統對兩岸四地都係利多於弊，所有受惠企業嘅股價都應該持續有追捧。
恒生C輪9838：恒生（011）上個禮拜四收138.3元，係撐住大市嘅股份之一，短線有機炒上145至148元，可以買啲C輪9838短炒。
隻輪現價18.3仙，槓桿率7.5倍（有效3.9倍），正股升上148元，9838可見23仙，正股跌穿132元，隻輪就要沽出止蝕。