劉嘉玲同男友梁朝偉之前出席活動，佢哋都話有意今年拉埋個天窗，不過，近日又有報道指嘉玲喺新居掛上經法師加持過嘅送子菠蘿，除咗可以箍實偉仔，睇嚟嘉玲仲有意幫偉仔生個BB㖭；由於嘉玲近嚟身形豐腴咗唔少，所以立即俾人傳有咗三個月，但係嘉玲嘅經理人公司澤東發言人噚日話：「消息無中生有，唔需要回應。」