「你鍾意仔定女呀？」「女！」
「咁你老公呢？」「都係女呀！」
「呀，𠵱家啲香港人多數鍾意生女！」
「女黐身啲，又可以扮靚。」
「係呀，啲仔真係攞你命㗎。」
「醫生，咁你有幾多個仔女？」
「我得個仔，所以激死！」
「不過，我最近諗，生仔都好！」「點解？」
「起碼仔唔使怕蝕底，如果生女，我怕佢第時太天真太儍呀！」
醫務所傳來一陣笑聲，連護士姐姐也忍不住偷偷的笑。
「你唔使驚！」然後，醫生指着螢光幕上的超聲波圖象，「你睇，BB死都唔肯張開大髀，驚死蝕底，一定唔會天真同儍啦？」
「呢個係女？」「多數係啦，都唔見有何B仔。」
我好開心的笑呀笑的，突然醒起：「你又話佢唔肯張開髀仔嘅？」醫生、護士和我又笑作一團了。
個人資料
大肚Polei：
結婚年幾，從前唔恨亦唔想生仔。因為怕痛怕煩怕地球好快會末日。突然身邊幾個朋友玩大肚，突然心血來潮好想做媽咪。