寇鴻萍與前夫唐基華所生的19歲女兒唐貝詩，一回港就開工扮賽車手搵真銀，由於星媽寇鴻萍監場，性感不敵同場大露背的莊思敏。唐貝詩的姑媽唐錦馨被踢爆是郭炳湘的紅顏知己，經常家庭聚會的她，很知機地表示不會多問姑媽的事。
寇鴻萍與前夫唐基華所生的19歲長女唐貝詩，去年暑假性感出擊行騷，一個月狂賺幾十萬元，前晚才回港的她，昨日就馬上扮賽車女郎搵快錢。
「我𠵱家幫吓眼」
唐貝詩與莊思敏昨日在九龍灣EMax宣傳PS3賽車遊戲，莊思敏大露背，有媽咪寇鴻萍在台下監場的唐貝詩，只是露肩及穿小短裙，性感程度比上兩次PS3活動大為減低。寇鴻萍說：「我次次都要嚟，唔係怕佢俾人呃，係提醒佢、支持佢。佢舊年入行，自己takecare，效果麻麻，𠵱家我幫吓眼咁，可以性感，唔要暴露。」
直認媽咪嚴禁性感的唐貝詩說：「係呀，我唔怕性感，不過媽咪幫我睇吓靚唔靚囉。」她謂今次回港，已接了三個job，她也直認希望搵多點錢。
與IdaTong有聯絡
早前唐貝詩在facebook上載朋友照片，又被指有新歡，她說：「唔係男友，係朋友，任何人都可以add我，冇所謂，我放得上去嘅相，都係可以公開嘅相，𠵱家係有幾個男仔追我，但我都好忙，同埋要畀媽咪過吓眼先。」
唐貝詩的姑媽唐錦馨（IdaTong），上月被揭是郭炳湘的紅顏知己，成為城中熱門新聞人物，經常與姑媽聚會的唐貝詩聞言說：「唔關佢事！」有傳郭炳湘曾計劃自組公司，唐貝詩即說：「知道公司佢冇份呀。」
問唐貝詩有否與姑媽傾電話？她不願多說：「冇講，等遲啲屋企人食飯先傾囉，因為我哋每個星期都有familylunch，都冇乜大件事啦，等見到面先傾。」
採訪：LawWaiMan
攝影：ChenWaiOn
