已10年沒在港拍劇的周海媚（海味），昨日在大埔文武二帝廟為新劇《學警狙擊》首度開工，海味出動私伙衣服、首飾和Prada手袋拍攝，認真落本。
唔慣飛紙仔
問海味首日開工有否緊張？她說：「唔緊張，點解要緊張？大家都係關心我咁耐冇拍劇啫。雖然我成10年冇喺香港拍劇，但感覺一樣，咁耐以嚟我都一路keep住喺內地拍劇。」
現時劇集全是飛紙仔拍攝，未知海味會否不習慣？她笑說：「係，呢樣有啲唔習慣，所以我睇定故事大綱同分場，做定功課。」現時劇集採用高清拍攝，在化妝方面是否更仔細？海味笑道：「唔使，內地用咗高清攝錄好耐，習慣咗。」
採訪、攝影：張俊銘